Камісія Саэймы ў пытаньнях абароны, унутраных справаў і перадухіленьні карупцыі падтрымала законапраект «Пра абмежаваньне дзейнасьці, якая пагражае нацыянальнай бясьпецы», які прадугледжвае забарону на паездкі пэўных работнікаў сфэры дзяржаўнага кіраваньня ў Расею і Беларусь.
Забарона езьдзіць у Расею і Беларусь распаўсюджваецца на наступных асобаў:
- хто мае допуск да дзяржаўных сакрэтаў;
- адказных за бясьпеку аб’ектаў крытычнай інфраструктуры;
- тых, якія працуюць у міністэрствах абароны, унутраных справаў і юстыцыі, ва ўстановах, падпарадкаваных ім;
- тых, якія працуюць на вайсковых абʼектах, у Бюро перадухіленьня карупцыі і барацьбы зь ёю, у падатковай і мытнай паліцыі, а таксама на супрацоўнікаў мытні Службы дзяржаўных даходаў;
- забарона будзе таксама распаўсюджвацца на дэпутатаў Саэймы, а таксама на асобаў, якія працуюць на дыпляматычнай ці консульскай службе, у судовых і пракурорскіх установах.
Законапраект павінна падтрымаць Саэйма ў канчатковым чытаньні.
ГЛЯДЗІЦЕ ТАКСАМА: Латвія ўводзіць платную электронную рэгістрацыю пры ўезьдзе зь Беларусі і Расеі